Lakey lo sit> Chroniques> Oté

Tweet
Partager

Alor, lo kou la manké ! Lidé téi gingn mète anlèr in prézidan konsèy zénéral, an misouk, par sirpriz, la shap par boute ! Mé so fason fèr, i obliz anou ésèy konète pou kossa banna la fé sa : sré t’i pa arienk par gro kèr, arienk akoz in bann la droite la gingn kou d’zok avèk bann zéléktèr ? La pa bézoin drès la list lo bann moun la gingn lo kou ; nout tout i koné z’ot nom. Toulmoun la vi z’ot figir d’karème (avan Pak, sa i tonm bien !)

Kossa lopinion té i atann ? Pou moin, l’opinion téi atann té i propoz ali in bon prozé, pou koriz in pé so politik inzist. L’opinion té i vé galman in politik i prépar lavnir konm k’i fo, akoz lé shoz i sava si tèlman vite, ni pé pa anpèrd lo tan.

Na in n’ot afèr lé in pé zénan : lavé in madam prézidan Konsèy zénéral. Ala i mète aèl déor an malprop san di kossa i arprosh aèl, san di kossa va fé sar pa konm èl la fé, vik tout so bann zoizo-la la vote tout son bann prozé san fé difikilté. Alor, si lé konm sa, akoz zordi i anvoy aèl dingué ?
Non, arienk pou tir in vanzans, arienk pou ranplas in moun par in n’ot moun san shanz politik. Konmsa, an misouk, an volèr ? Rozman la koup la manké.

Justin

Tweet
Partager

2 Bann modékri andann forom

• Arèt kas lé kui té ! 23 mars 2008 06:45, sanm pikapab

  Oté Justin, la lé pi bon di tou. Ou fé ti biyé la pou anons anou PC i sar vot pou Nassima. Sé sa out patron la di aou ékri ? E zot minm bann zournalis "la parti" ? Okilé zot kapasité moukaté lèr i fo ? Zot i rapèl la grèv zédikatèr ? Zot i ansouvyin koman madame la sali banna ? Non ? Alé dann zarsiv, rolir sak zot minm la ékri...
  Mi lé dégouté é mi koné zot i kitra pa ti mo la dann zournal.
  Mwin la ont !

  Po réponn modékri-la

  • > Arèt kas lé kui té ! 25 mars 2008 03:31

    Mi réponn aou akoz sak ou i di lé inportan...Pou moin nana dé zafèr i fo pa maye ansanm : nana la politik lo départman épi sak i apèl lo manazman bann travayèr konsèy zénéral.
    Pou sak i lé la politik lo départman, moin lé anparmi lo bann moun i pans La rénion lé déssi lo rail sèt lo dévlopman dirab, son lékonomi..Nout péi lé pa bien assiz la-dsi akoz in bon pé dmoun épi in bon pé zéli i s’anfou dsa.Màmbann sèrvis l’éta , souvan dé foi, i s’anfou dsa...Pou moin in nafèr konmsa i pé marshé si bann komine, lo départman épi La rézion i donn la min..Moin la vi dann la kandidatir Lagourgue, in mouvman pou la droit-droit ranplas Virapoullé avèk son bann zidé, avèk son éstil : té falé oir solman kissa té i antour ali. mèmlo disnèf voi li la gingné, sa pa la voi bann zanfan n’kèr. Slon moin bann dé zournal sak lé lo pli inportan dann l’opinion la fine komans z’ot kanpagn éléktoral pou dan dé z’an.Zot lé mèmm kapab arfé lèv in nafèr ki armonte lané 1981 : zot i vé arkomans lo koup pa nou, sansa la lite kont lo séparatism.Antansion:zot na moiyin épi zot lé kapab épi bann rénioné i tonm fasilman dann pièz(akoute radio freedom ou va oir).Donk pou moin ,té falé anpar in gran danzé, mèm si mi pans nou lé pa dann shomin lantant tout bann parti épi tout bann zéli pou dévlop lo péi.Mèm si in n’ot danzé l’apré rouvèr la port pou rantré sak i apèl la manipilasion l’opinion.sa la ap in parol anlèr pou moin !.. dézièm zafèr sé lo manazman bann pèrsonèl konsèy zénéral:moin lé konm ou, moin na la mémoir, mé bann manazèr gran-kèr, sa mi kroi pa : pa plis dann privé ké dann piblik. Pou moin nana arienk in nafèr k’i marsh sé la solidarité bann travayèr. Kan i fou atèr, lo patron i sanz langaz ! Si na poin la solidarité, kont pa tro dsi bann kalité humaines bann manazèr : dizon nana konm in lite pou in sèrtin pouvoir.Alors kisoi madam Dindar, méssié lagourgue é d’ot ankor, bann travayèr na rienk in solision : groupé pou pa lès marsh si lo pié in moun rant zot épi tansion nana bann Figaro ossi(lo traitre la révolte Sin-Lé lané 1811). Alors, moin la donn aou mon lésplikasion : kroi si ou vé, kroi pa si ou vé pa ! si sé in nafèr pèrsonèl, mon kozman va fé konm lo déssi fèy sonz.

    Po réponn modékri-la

Po réponn si lartik-la

Larényon -> Monde