Lo G8 va fé in n’éfor séryé pou diviz par dë la difizion bann gaz "à effet de serre", konmsa la tanpératir va goumant dë dégré solman. Nou va donn bann péi Lafrik soisant miliar pou trèt bann gran-gran maladi. L’OMC i sar fé in zès pou mèt an plas lë "cycle de Doha". Bann péi lo G8 va doub lé z’èd bann péi la pankor bien dévlopé.

Nou sar oir, sak nou sar oir ! Nou sar oir kèl koté brinzèl i sarz ! Va diviz par dê la difizion gaz karbonik, lané 2050 konmsa ! Pins amoin in pé ! Kansa va donn lo soisant miliar pou guéri bann maladi ? Dan lé zané a vénir ! Kansa va mèt anlèr le"cycle de Doha" téi doi èt fé an 2004. Lané 2004, près pa, i vien la ! Kansa va doub l’èd bann péi pov ? Dan lé proshène zané ! Léstoma George w Bush la fé mal a ski prétan. Kansa la done ali in pti médikaman ? Dan lé zané a v’nir ? Non toutsuitman !

Lé ga, mi dmann amoin si mon kèr i pansh pa in pé pou tousa lo bann moun té apré manifésté ? Na poin rien a fèr avèk ou, Justin ! Oui, mé lé konmsa, nout dë G8 la pa kamarad.

Justin