Kan nou la vot pou Chirac kont Lepen a plis 80 pou 100, lété pa akoz nou té dakor avèk program la droit. Kontrèr, dé sémèn avan nou lavé vot pou Lionel Jospin akoz son program té sak nou lavé bézoin. Solman, ala lo prézidan i mazine nou la vote pou son program épi li mèt le nomé Raffarin : pou mèt anou dir. Lo boug la mèt anou dir !

So kou isi, Sarkozy i gingn prézidan la Frans. Ali galman, li mazine demoun la vot pou tout son program épi li vé mèt sa anlèr. Astèr, nou oi son program la pa bon pou nou : nou konpran li sava raz anou la pint sï la késtion lo sosyal. Avann mèt an gard, shak foi son bann minis i rouv zot bous nou konpran sak zot i vé la pa bon pou nou.

Ala ni oi zot figuir, sé lo figuir d’in vré droit : larzan pou bann vaza, lo malizé poubann ti-kolon.
Lé ga, la pa sa lé marké dann platform lalians : na poin aryink bann gran shantyé la-dan. Nana galman lo sosyal. Prézidan la signé pou sa : pou mèt anou dann féklèr, pa pou aral anou plis an aryèr ankor ! I fo kal sa toutsuit !

Justin