Dann kod noir i di konmsa* : « In mètr, si li la fine gingn vin t’an, li na lo droi rann la libèrté son zésklav san done lésplikasion pèrsone, san domann son famy la pèrmision, mèm si li la pa majèr avan laz vinn-sink an ».

Zot i koné zistoir granmèr Kal ? Ala lo zistoir !
Étan rézonab Kala, lété ankor zésklav sï la tèr in blan par-la koté Sin-Pyèr. Él téi koné bann ségré la tizane sinp vik son papa lété kalifyé la-dan. In zour la fy lo blan la tonm malad épi bann médsin té i gingn pa songn aèl. Lo mèt la domann kala pou sèy guéri son zanfan. Èl té i vé pa tro, akoz èl l’avé pèr té i di èl té in sorsyèz. Bou di kont, èl la aksépté épi él la niabou guéri lo marmay. Alor lo blan la rann aèl son libèrté. Li la donn aèl in boukan avèk in bout la tèr pou résté, loin mèm dan lé o d’ Granboi. Lo blan lavé pèr rès koté in moun konmsa.

La suit, zot i koné, moin lé sir. Si zot i koné pa, domann in vyé moun, sar kontan rakont azot sa. Pou mon par, mi trouv zistoir-la lé trist, épi moin té vé zis di azot koman Granmèr Kal la artrouv son libèrté.

* lartik 55 dann kod noir

Justin