Rant bann zésklav, bann noir d’piosh lété pli maléré k’lé zot. Zot téi travay douz èr dann in zourné, dann bitasion, épi in komandèr té i avèy azot èk son shabouk, épi tansion si i travay pa konm ki fo, ou si i ariv an rotar. B
Banna té i travay dir, léstoma déor, lo zonm konm bann fanm, avèk solman in pé la bouyi pou manzé, rarman in bout viann salé.
La pa la mèm shoz pou bann noir "à talents" : zot té i fé bann vré métyé sak bann blan té vé pa fèr ou bien téi gingn pa fèr. Rant bann métyé-la, lavé sèt pou lo zonm épi sèt pou bann fanm.
Lo nèg "à talents" lété artizan, gardien, magazinié, maréshal féran, mékanisien, shartié. Zot té travay dann lizine pou fé d’sik, dann moulin pou moud mayi sansa lo blé... Lo bann négrès "à talents" lété domèstik, nénène zanfan, gard-malad, komèrsan, koutirièz, modis. Zot té i très panyé, shapo, lo sak.
Donkalor, kan s’bann noir à "talents" té i gingn la libèrté, vitman-vitman zot té i fé in plas pou zot dann lékonomi épi dann la sosyété, in pé té i vien fonksionèr ziska. Touléka, zot té i rès pa mizèr, mèm si bann lib-de-koulèr lavé poin lo mèm droi k’bann blan*.

* Lété konm in laparteid avan son tan.

Justin