Bèzman la pété dann lasanblé nasional. Villepin la lash kozman dési Hollande. Té moinsink palank bato gouvèrnman-là. Yèr, promié minis la kontourn la kriz, la demann skiz son pardon si son fraz té mal konpri. Oté, arèt batt la lang po arien, travay odrémié pou bann pèp la bézoin.

Ogard in-pé nout sitiasion. La di la fé in gran plan kok lespèss po lozman. Kilé ? Nana ankor in takon fami La-Rényon i atann in toi. E mi koz pa tout sat i dor dann somin, nout sosiété i pran in tigine konsians. La di la fé in gran plan kok lespèss po done travay. Kilé ? Nout bann zèn lé pri o kou, largé dann inn sosiété larzan. É nana ankor in tralé zègzanp po mèt dési la tab. Kosa i fé don ?

Arèt batt la lang. Asé batay. Odrémié travay po lo pèp. Somansa i antann malversasion parsi parlà. Sa la pa nout larlik. Astèr, lanss bann plan i aplik.

Justin