Kosa i lé in CAPES lang kréol ? Dabor inn sé in konkour nasional pou an aoir lo droi fé lékol dann bann kolèz épi bann lisé. Sa sé konm in garanti pou in lansègnman bon kalité. Kan ou la gingn CAPES-la, ou nana le droi pou fé dë kalité lansègnman : inn sé in lang kréol, épi l’ot sé in l’ansègnman kom fransé, l’anglé, l’éspagnol épi d’ot ankor. Ékèl lang kréol ? Sèt lé marké sï in list bann lang réjional rokoni an Frans.

Néna in sèl konkour pou tout bann kandida, mèm si i konkour pa dann mèm lang kréol. Pou fé pass sa, néna in jury avèk in bann profésèr i sort dann shak péi, sansa lé an frans mé lé kalifié. Néna in l’ékri, néna in l’oral. Shak kandida i konkour an kréol épi dann l’ot matyèr li vë amontré.
Komansman, lavé dis post épi la diminié l’nonm : sèt ané lavé solman kat pou tout bann DOM. Lé fèb, si i vé tout bann moun i ansègn kréol nana in kalifkasion konm tout bann profésèr. Bann kandida la Rénion, nana méyèr rézilta k’lé zot : troi sï kat té bann moun isi. Lé bien pou nou, solman lé z’ot DOM, i doi pa rès a tèr konmsa.

Justin