Di sak na pou di

Oté Zilber !

Témoignages.re / 30 mars 2010

Ti obli koman yér toué té bayoné,
Akoz governman la Frans, Ziskar, Dobré,
Toué navé pwin drwa santé dan radyo ek télé.
Témwaniaz sélman, ek PCR, té soutyin à toué.
Ti obli yér, toué té sant Rico, Sarda, péi Saigon,
Révolkisyonèr kom toué navé pwin dé la Rényon.
Si pouvwar larzan toué té vomi ton kolèr.
Kaf Lafrik té ton doulèr, té ton koulèr.
Ala zordi, ti fèt zéléksyon la ras komandèr.
Boug pouwar blan Paris, sa mim astèr ton frèr.
Adié Alain Armand, fondatèr Ziskakan,
Gauvin, Carpanin ek lo mézon sivilizasyon.
Viv Zilber, viv la Rényion, viv la révolisyon.
Gramoun lontan navé rézon : kréol là, dernyér nasyon !
Mon kèr i segn, kan mi mazine, mi pans,
Toué la sot dan trin boug governman la Frans.
“Gro larm lo zyé i sap si mon figir,
I glis dan mon bous, pli salé lo d’mer”.
Mi fini pi cryé : Oté Zilber, toué la ni fou,
Ousa, ek Rober – Sarko, ti vé ral anou ?

Paul Dennemont
Saint-André


Kanalreunion.com