Oté

« Akoz toultan Sin-Misèl, zamé l’arkanz ? »

In kozman pou la rout

Justin / 29 octob 2016

Sa lé konm in zé d’mo kréol La Rényon. Sa sé in kozman k’ i larg tazantan pou fé rir la boush. Pa pliské pou sa ! Solman, dann in ka sa i pé z’ète in foutan. Mi souvien an avoir antandi sa dann in boutik é lo boug té i lans sa té akiz in pé son bann dalon abiz idsi li-Bann abizèr dsi ! Dann lo ka moin la antann lo boug téi pèy la tourné inn foi épi inn foi ankor é sa té i komans annuir ali in pé é zantiman li té i fé romark sa lé z’ot... Mi koné pa si zot la fine romarké mé rant nou rényoné, nana in pé tout kalité d’moun : nana sak i èm doné épi sak i èm tiré, sak lé korèk é sak lé pa toultan korèk. Mé, konm di lo kont, sa lé konpri dan la pyès. Alé ! ni artrouv pli dvan sipétadyé.


Kanalreunion.com