Oté

« Alé vann la fimé par pint ! »-In kozman pou la rout

Justin / 12 octob 2015

Sa in drol z’afèr pou vréman pars si i lir bien, sa la poin lo sans. Zot i oi in pé in moun apré mézir la fimé dann in pint. Lé sir, sé in n’afèr k’i gingn pa fé ! Arzout èk sa la fimé na poinn valèr, pèrsone i ashète ar pa. Donk lo kozman li lé absird ! Mé dann la konvèrsasyon sé in kékshoz k’i pé dir kan in moun l’apré an-nuir aou. L’èr-la, ou i pé dir ali tout sort kozman pou mète in frin dsi la diskisyon konm par ébzanp « Alé pous kanar dan la désant ! », « manj m’a péyé ! » é dann la lang kréol nana in bonpé kozman konmsa. Konm di lo kont sa sé in n’afèr pou klotir lo sobatkoz.

Kosa zot i anpans ? Arien ditou, ? Fé travay z’ot koko ! Fé bouy z’ot matryèr griz ! Zot va oir ké, rant-rant, ni pé z’ète dakor rantre nou.


Kanalreunion.com