Oté

« Amar lo kèr dsi in moun » - In zour, in kozman

Justin / 21 zwiyé 2015

Dabor na lo group vèrbal : « amar lo kèr ». Aprésa nana lo kopléman : « dsi in moun ». Amar lo kèr dsi in moun sé kan ou lé anvyé par rapor so moun la. Ou lé zalou sak la pèrsone i fé, sak èl nana, son répitasyon… Sa lé kouran la Rényon.

Pou kosa ? Pars le moun na poin konfyans dan zot. Poitan, shakinn nana son kalité. Shakinn, si li rogard bien nana dé z’afèr li gingn fé bien konm k’i fo. Shakinn na lo moiyin pou mète ali anlèr par raport li-mèm, par raport le moun an parmi. Shakinn na son gou d’sèl ! Mi pans, isi La Rényon la zalouzri, plis d’ot santiman négatif i ral anou an aryèr.

Sa i komans par lo o, in n’afèr konmsa ! Kroi pa arienk bann ti-kolon lé konmsa, bann moun la ote osi ! I parétré bann gran politisien lé zalou Paul Vergès é par raport a sa, zot i rèv tyé lo pèr, konm i di. Mi vann konm moin l’ashté. Ni rotrouv !

NB : Bann kozman-la, mi tir dann liv Daniel Honoré « Somi lo mo ». Sa sé in liv i fo an avoir touzour sou la min...


Kanalreunion.com