Oté

« An atandan, kabri i manz salad ! »

In kozman pou la rout

Justin / 20 avril 2016

Pou kosa demoun i di kalité kozman ? Pars sak i fo romarké sé kan in kabri i rant dann in zardin salad li fé bonpé déga é lo propriyétèr lo zardin lé bien mal an-nuiyé. Mé dsi lo sans figiré lo kozman i vé dir ou i vé gingn satisfaksyon pou in n’afèr, mé i amiz, i amiz mèm é ou lé pa pré pou an avoir sak ou i vé. Romark azot bien : souvan dé foi, ni vé k’i fini in n’afèr avan k’la komansé. Sak i doi fé lo z’afèr i trouv lo délé-d’tan lé tro kourt. Konbienn foi ou i pé antann in pé i di. Désèrtin i kroi mi apèl « z’atandré ». D’ot i di : « la vitès nana son tan ». Konm de koi, toultan ké nora demoun dsi la tèr, lé shoz va éspas konmsa é n’ora touzour inn pou sif dann nout z’orèy lo kozman marké an-o la.


Kanalreunion.com