Oté

Arèt gaspiy not zénès’ !

Justin / 17 mé 2011

Dann tousa lamayaz problèm i andikap La Rénion dann son dévlopman, nou nana kanmèm in kart zatou : nout zénès. In zénès’ nonbré, doplizanpli formé, doplizanpli diplomé. Toute se bann konésans akimilé va anpèrmèt anou dévlop nout péi é èd nout bann voizin dévlop la zot !

Pousa, i fo nout sistèm lédikasion i zoué le zé. An miltiplian bann filièr profésionel, an antisipan si nout bézoin an formasion. San oublié sat lé pli pointi, byinsir !!

Èske vréman ni pran lo shomin pou sa ? Ni pé douté kan ni voi navè ryink 100 plas’ ofèr dann lanséinman kan navè 1.000 possib. Si sa shanj pa, si sé pa in manièr gaspiy nout zénès’, kosa i lé ?!!!

 Justin 


Kanalreunion.com