Oté

« Arète done dolo la mèr ! »

In kozman pou la rout

Justin / 3 mé 2016

Mi koné sa in provèrb la Rényon mé lé vré k’ i antann pa li tro souvan. Mé kosa li vé dir o-zis ? Sanm pou moin, ala son sans ! La mèr, sa sé in l’androi nana dolo an kantité. Donk kréol i di la pa nésésèr done ali dolo ankor an plis.

Mé lo sans la pa la pou vréman : ousa li lé ? Pou moin sé in késtyonn l’arzan, sé in késtyonn rishès. Kisa la bézoin l’arzan, kisa la bézoin la rishès ? La pa sak nana pou gaté, mé sak na poin an sifizans. I di pa l’arzan i apèl l’arzan ? Alor si ou lé pov, mor la boush rouvèr !

Sé pou sa nout provèrb i vien pou domann in pé plis l’égalité rant le moune é konm l’égalité sé in gran prinsip pou rényoné ala pou kosa i ansèrv provèrb-la é mi pans i dovré ansèrv pli souvan. Ala koman mi oi lé shoz é zot ?


Kanalreunion.com