Oté

« Asé fé lèv lo mor ! »

In kozman pou la rout

Justin / 26 mé 2016

Mi koné in moun la fé lèv lo mor dann nouvo téstaman : lo mor té i apèl Lazare. Zot i doi konète sa mi sipoz si zot la parti in pé dann la klas katéshis. Romark lo moun la fé lèv Lazare li la résisit par li mèm.

Mé alon pa plézant la dsi é alon plito asèy konprann kosa provèrb la i vé dir pou vréman. Dizon ké « lo mor »i pé z’ète in zistoir demoun la fine obliyé, Dizon in vyé zistoir demoun la fine obliyé. Arfé lèv ali, sé rapèl lo zistoir obliyé.

Pou kosa ? Parlfèt kisoi pou ardonn désèrtin moun in movèz konsyans, kisoi pou rapèl sakkémlk’in la fé d’bien dann tan lontan. Kréol i di sa in, vyé film, in zistoir la fine pasé, dépasé, trépasé. Ala koman mi oi ! Ni artrouv pli d’van.


Kanalreunion.com