Oté

Asia Bibi, kondané a-mor pou blasfème

Justin / 6 juin 2011

Zordi dann in péi i apèl Pakistan, nana in madam dann in prizon apré aspèr son prosé an rapèl. Pars an promyé l’instans, in tribinal la kondane aèl a-mor. Pars nana ankor la pène de mor dann so gran péi-la, konm si in sosyété l’avé in droi done la mor d’moun. Mé pou an avoir kondane aèl a-mor, i fo kroir èl la fé in gran krime ! Kèl krime èl la fé ?

Madam-la la trap delo dann in sours ; El la boir in pé, épi konm dé madam té i pass, èl la propoz azot pou boir inpé zot tour. Èl i pratik la rolizyon bann krétien, lé dé z’ot i pratik l’Islam. Dézord la pété, pars lé dé madam i konpran pa in krétyène, donk in moun inpir pou zot i ofèr azot delo. In pé i di galman la sours lété rézèrvé pou bann mizilman, épi in krétien la poin lo droi boir sa. L’èr-la, lé dé kan la anguélé ; ala ké la maye la rolizyon anndan, é lo dé madam la port plint kont Asia, pars, solon zot, èl noré malparl lo profète Mahomet, é solon in loi, èl i mérite la mor.

La loi lété fé l’ané 1886 par in prézidan diktatèr, lé pi o-pouvoir dépi lontan, mé pèrsone i vé pa pran la résponsabilité pou kass son loi. Pars si ou i anparl de sa, bann z’intégris i zoué pa avèk ou. Sé pou sa lo gouvèrnèr lo Pendjab épi lo minis bann minorité la gingn la mor, vi k’zot la pran la défans Asia Bibi.
Pou kosa i fo anparl dé sa ? Pars dann son prizon, in madam i atann son prosé an rapèl ; Pars èl la pa fé krime ; pars la-ba, déssèrtin i ansèrv so loi-la pou règ in kont avèk in moun i plé pa zot, sansa na in dézakor ansanm zot.

Justin



Un message, un commentaire ?



Messages






  • C est du barbarisme les moustiquE et autre insecte la devore elLe est enferme dans Les toilette et meme pas de wc Un trou ou elle fài ses besoin eLle dor la ne voi jamai la lumieRe du jour dan une hygyene indDescritible au debu elle etai viOle et batu tou les jour La noriture que lui donne les gEolie est infecte ils souille Cette nouriture avan de la servìR Aujourd hui si elle est encore Vivante elle na plus rien d humàIn je suis sou le choc commèn peU t on fàir cà a son prochain poUrquoi a t on rien fai prions pOur son ame

    Article
    Un message, un commentaire ?


Kanalreunion.com