Oté

« Avan l’èr la pa l’èr, apré l’èr lé pi l’èr ! » – in kozman pou la rout

Justin / 26 novanm 2015

Kosa zot i di d’sa ? Zot i koné biensir, mé mi koné pa si zot i aplik. Na dé foi moin lé a d’mandé ! Zot i kroi nou la fine shanj manyèr ? Kréol i èm pa atann, mé pétète li fé atann lé zot ? Zot i koné l’antèrman : katrèr po sink èr ! Mé koméla lo prèt i atann pi konm avan : li na si tèlman pou fé. Mi koné inn – dé rényon nan touzour in kar d’èr d’rotar. Mé sa in mové l’abitid. Pyé doné, shoval monté. In kar d’èr i pass vin minit, vin minit i trap in domi-èr. Moin mi di touzour, koméla shak rényoné i pans son tan sé i tan prézidan la répiblik. Sa sé pou kass ti boi pars moin osi mi èm pa atann. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni pé z’ète, tazantan dakor rantre-nou.


Kanalreunion.com