Oté

Avèk in koshon i fé pa in shoval de kours

Kozman pou la rout

Justin / 8 zwin 2016

Sa lé bien vré : in koshon sé in koshon é in shoval sé in shoval. I pé pétète fé in koshon d’kours – dann l’androi demoun i roganiz la kours koshon !- mé pa in shoval de kours ; lo sans prop lé fasil pou konète, mél o sans figiré ? In zour moin la antann in amontrèr apré di in kamarad l’ékol lo kozman nou l amark an-o la. Marmaye-la la pléré é l’amontrèr la di ali, li lé zis bon pou ète in sonyèr d’koshon. Pétète sé sa ké li la fé kan li la kite l’ékol mé la pa in mové métyé apré tout provi ké li nouri son om. Mé kan in moun i di aou sa, sa i doi done aou l’anvi amontr ali kosa ou i gingn fé avèk la volonté ; ni rotrouv pli dvan !


Kanalreunion.com