Oté

« Avèk m’anfou i fé pa la kaz ! »

In kozman pou la rout

Justin / 25 mé 2016

M’anfou i intérès pa pou arien.M’anfou konm in pé i di, i « s’anfout dsa ! ». Na poin arien k’i ral ali ! Na poin arien ké li èm é arien ké li èm pa ! Li anvoy lé shoz konm l’arivé. Fé son kaz akoz ? In kaz, sa lé solid, an prinsip. Sa i protèz kont lo van, kont la plui, sa i donn in moun la sékirité. Ou lé myé dann in kaz ké dann in vyé kok l’oto, sansa sou dé tol kroizé. Mé si, konm di lo kont la pa out tass lo té ? Fé son kaz sé konm fé son l’avnir : sa i fé pa an in zour, i shap pa d’lo syèl... La plipar d’tan in m’anfou san-pou-san sa i égzis pa. Mé souvan dé foi i mank l’andirans. I dékouraz fasilman. Sirtou dann in péi konm la n’ot k’i tyé l’éspoir dann kèr in majorité d’moun. Avèk m’anfou i fé pa la kaz toulbon, mé koman i fé kan na poin zamé in pti bout blé dann out syèl ?


Kanalreunion.com