Oté

« Bal bobesh. » – In kozman pou la rout

Justin / 10 octob 2015

Mi pans zot tout la fine bien rogard in lanp pétrol. Si la pa zordi, na in pé d’tan. Dopi an ba ziska an-o nana lo pyé an métal, nana lo rézèrvoir an vèr la plipar d’tan an zoli koulèr, nana in bobèsh par dsi-in pyès ron an kuiv avek in dantèl par dsi é lo mèsh i pass anndan, aprésa nana lo vèr d’lanp k’i adap dsi lo bobèsh. Zot i suiv amoin la ? Donk zot i koné avèk kosa demoun lontan téi i klèr azot. Kan demoun té i fé inn party zot té i klèr osi avèk la lanp pétrol. Ala ousa lo nom bal bobèsh i sort.

Kosa zot i anpans ? Arien ? Fé travay z’ot koko ! Fé bouy z’ot matyèr griz ! Zot va oir ké rant-rant, nip é z’ète, tazantan, dakor rantre nou.


Kanalreunion.com