Oté

Bann’la i vé touzour diviz anou

Justin / 24 mé 2011

Yèr matin, moin la antann in zournal-la-frod la fé in lartik si lo prosin zélèksion dépité an 2012 isi La Rényon. É kosa li di ? Bann kominiss va batay ant zot, Pierre kont Huguette, Huguette kont Pierre…

Ala kosa i intérèss bann kolonialiss i komann touzour nout péi ! Bann la i vé touzour diviz anou, diviz nout pèp, pou myé domine anou é myé pèrmèt bann gro zozo anprofite lo sistèm.

Sa i fé panse amoin inn afèr larivé dann tan lèsklavaz : kan bann dalon Élie la révolt azot pou la libèrté koté Sin-Leu an 1811, zot mètr propriétèr la trouv inn ésklav, i apèl Figaro, pou dénons bann révolté, é bann groblan la donn ali in moné. Zordi nana ankor dé Figaro i mète azot o sèrvis bann komandèr pou ésèy diviz anou. Kèl kouyoniss !

 Justin 


Kanalreunion.com