Oté

Bann loto la i ogmant, i ogmant, i ogmant, i arèt pa !

Justin / 12 juin 2014

Na pétèt di zan dsa, navé poin ankor la Rout Tamarin, navé kalité anbouteyiaz isi la Rénion, oté té inkroyab !
Do moun lo sid (tanpon, sinpièr, sinzozèf) i travay dan lo nor si sindni ou lo por, par égzanp osi bann zétidian liniversité sodron, po ariv lèr i komans shantié (ou sinon po ariv po lo komansman lé kour), lo lindi matin, zot té oblizé lèv 4 trèr.

Zordi, ék Paul Vergès, dann tan prézidan la Réjion, la rouv la Rout Tamarin, la di po dézangorj lo sid, po rapros lé zaktèr ékonomik ; donk po gainy ékonomi lo tan (Time is monney=lo tan sé dlarjan), ékonomi karbiran, po rann pli fasil lo déplasman, lo transpor.
Mi kroi té an 2009 par la ; nana 5 tan déza.
Din kou, la soulaz bann rout litoral sinzil, sinlé ; navé pi bokou loto an ba ; la plipar an lèr, si la pant, i domine lagon la Saline.

Mé sak mi romark, minm san konsilté bilan la shanb komers-anfin rogard zot minm-si la rout 4 voi ; prèské toultour dlil-granboi, sinpier, ziska sinndni, minm lot koté sintmari, sintandré, sinbénwa, tousala i roul dé voi din sans, dé voi dan lot sans.
Oté, mi observ, dané an ané, loto la i ogmant, i ogmant…
Koté moin, dovan moin, derièr moin ; an fas de moin, dan lot dirèksion, loto si dé fil, nana, nana, an poundiak.

Dann lo moinn ti kartié, ou lé in stop, ou atan,
ou atan.
O plis i sava, loto i rant la Rényon, zot i koné nou sé in nil ; nou lé antouré par la mèr !
Arèt inporté, talèr la plas po sirkilé nora pi.
Lé tan ni adop transpor kolèktif, si posib lo trin, si posib ankor élèktrik.
Arèt polié.
Alalalala, bann loto la i ogmant, i ogmant, i ogmant, bin ziskakan ?

Justin



Un message, un commentaire ?



Messages






  • çàt ou dit là justin, lé vré, mi viens assez régukièrement rend visite mes compatriotes et moin ossi , moin la remarqué

    ké nana trop lotos la Rénion, si personne y argarde pas pli près ce sujet, nous va être embêté in moment donné car cé

    in nil et kom moin nana limpression ké les lotos y fé le tour de l’ile, y fo préfet y trouve in circulaire po fé arrête importé,

    allons bat not tout po met transports collectifs , même route Tamarins y commence embouteillé, lé pas in honte çà.

    Article
    Un message, un commentaire ?


Kanalreunion.com