Oté

« Bate pa linz dsi la kord ! »

In kozman pou la rout

Justin / 12 févrié 2016

Ousa i bate linz ? Dsi rosh a lavé sirman kisoi apré an avoir tortiye ali, kisoi avèk in batoir konm bann lavandyèr lo Portigal dann lo hanté Luis Mariano. Mé ni koné bien la pa dsi la kord a linz k’i bate ali : sa lé bien vré ! Mé lo vré sans nout provèrb na poin tro granshoz pou oir avèk sa, vi ké sa i vé dir, sanm pou moin, i fo pa abiz dsi demoun an féblès, i fo pa ète in l’anprofitèr dsi, i fo pa ète in abizèr dsi. Lo z’imaz la pa tro sa ! Lo provèrb la pa bien transparan. Konm bann fransé i di : sa lé in pé tiré par son shové. Kosa zot i anpans ? Arien ditou ? Fé travaye in pé z’ot koko ! Fé bouy in pé z’ot matyèr griz ! zot va oir ké, rant-rant, ni pé z’ète, tazantan, dakor, rantre nou.


Kanalreunion.com