Oté

« Bézèr d’ zèf o la »-In zour, in kozman

Justin / 1 out 2015

Sans prop, kosa sa I fé dir ? « Bézèr » ou sansa « volèr », sé lo mèm z’afèr . In « la » ? sé in spès boukl i fé avèk inn gatir, é kan ou i ral dési i sèr, donk ou i pé ral ali dousman dousman san fé dézord.

I prétan dir, dann tan, bann marmay té i avèy poul sansa pintad ponn dann la natir é pa sito lo bébète la fine ponn téi ral lo zèf avèk in la fé an shoka, o sinonsa an lign toupi. Lo propriétèr i antann son zanimo la ponn, mé pou lo zèf li va ropasé. Li va gard dann in trou ! Lo sans koméla ? « Bézèr d’zèf o la », sansa « bézèr d’paké », sé in moun i réspèk pa sak i apartien lé z’ot. Son moralité i sar pa pli loin ké son l’égoïsité .

Kosa zot i anpans zot ? Zot i koné pa o zis ! Pou mon par, mi fèrm mon také, nou va artrouvé.


Kanalreunion.com