Oté

« Bon marshé i kout shèr ! »

In kozman pou la rout

Justin / 26 févrié 2016

Koméla nana in bonpé z’afèr lé bon marshé dann komèrs é konm lo moun, souvan dé foi, na poin lo pourkoi konm k’i fo, l’èr-la i préfèr ashté lé shoz bon marshé : kisoi pou lo manzé, kisoi pou lo linz, kisoi mèm pou zoutiy. L’èr-la, konm di lo kont zot i kroi zot la fé in bon afèr.

Pétète, i pé z’ète vré, ma pa toultan. Pou koué ? Parslo vandèr, sansa lo fabrikan i débrouy azot konm de koi linz bon marshé sé mové kalité, zoutiy bon marhé i tienbo pa la rout, an pliské sa la nouritir bon marshé lé la plipar d’tan in mové nouritir pou la santé. Astèr zot i konpran mon provèrb pars kan ou i kroi ou la fré in bon n’afèr sa i amenn aou dann la dépans ou la pa prévi.

Kosa zot i anpans ? Pou moins é la vérité pou vréman .


Kanalreunion.com