Oté

« Bon marshé i kout shèr ! » - In kozman pou la rout

Justin / 21 désanm 2015

Konbien foi moin la fine antann in kozman konmsa. Asiréman, shak foi in moun i sèy fé z’ékonomi épi final de kont lété pa bann vré z’ékonomi pou vréman. Mi souvien in zour zandarm la vni arète mon papa pars dann in diskour li l’avé di sé bann pov k’i doi dépans pliské bann rish si tèlman zot i ésèy fé z’ékonomi bout la bouji é sa i rotourn kont zot… Mi pans la pa bézoin fé in dran diskour. Sof ké koméla nana in pé i ramas z’afèr kasé, zot i aranj sa bien épi zot i arfé z’afèr nèv ansanm. Donk lo kozman lé vré konm pa ! Bon marshé i kout shèr suivan lé ka. Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni pé z’ète, tazantan, dakor rantre nou.


Kanalreunion.com