Oté

« Bonèr d’ shien la pa bonèr d’shat » - in kozman pou la rout

Justin / 1 séptanm 2015

Mi pans sa plito in provèrb déor, mé arien vi ké kréol i yèm bien métisaz langaz konm lé z’ot métisaz. La pa pou arien nou sé in pèp métis ! shien èk shat ? Zot i koné sa dé zanimo, i di, k ‘i antan pa – i fo sa pou in bon provèrb. Sans prop, ni oi a popré.

Sans figiré ? lo bonèr dé sèrtin, i fé pa lo bonèr lé z’ot. In légzanp : la météo lé pa bon pou domin, la plui i sava donn paké. Pétète pou bann plantèr sé in bon z’afèr ! Pétète pou abate in pé la shalèr sa lé bon ! La gèr i pète : mové nouvèl pou déssèrtin, bon nouvèl pou bann marshann kanon !

Kosa zot i anpans, arien ditou ? Fé travay z’ot koko ! Fé bouy z’ot maytyèr griz ! Zot va oir si rant-rant i ariv pa nou d’ète d’akor rantre nou. Ni artrouv pli d’van.


Kanalreunion.com