Oté

« Boug na pèrmi i tanpone ! » - in kozman pou la rout

Justin / 10 avril 2015

Sa lé fasil pou konprann. Sans prop : mèm si ou na pèrmi ou pé ariv a tanponé. Sans figiré : mèm si ou i pran out prékosyon sa s’pé k’i ariv aou in mové z’afèr.…

Na in bonpé ka konmsa : par ébzanp, san vouloir in jenn fiy i tonm an voi d’famiy. Son momon I grongn ali, I d’mann ali si èl i pé paf é in pé antansion.. Li réponn : « Moun na pèrmi i tanpone ». Par l’fète, lo répons lé pa in vré répons, sa in manyèr pou anvoy dingué. dir : « Sa i pé ariv toulmoun ! Donk na poin arien pou roprosh amoin ».

In fo répons, akoz ? Pars si lo jenn fiy i pran bien son prékosyon i ariv ar pa li d’ète ansint. Azotkosa zot i anpans ? arien ! Alé fé travay z’ot koko, fé bouiy z’ot matyèr griz, zot va oir ké rant-rant, ni pé z’ète kékfoi dakor rantre nou.


Kanalreunion.com