Oté

“Bransh lé a-tèr, I marsh dési !” - In kozman pou la rout

Justin / 2 zanvié 2016

Zot i oi, mi pans, in pé kosa mi vé dir ? Zot la fine alé marsh dann santyé épi toudinkou zot i oi in pyé d’boi koushé an travèr : ébin pou kontinyé z’ot shomin zot i pars par-dsi. Sans prop sa !

Sans figiré alor ? Sé kan kèlk’in, in boug for mèm, li lé a-tèr kisoi fatigé, kisoi malad, kisoi rish la fine oki, kisoi in moun la fine dégréné dann l’éskalyé sosyal… L’èr-la i fé pi in kont avèk li : sak l’avé la konsidérasyon dan li na pi, sak té i krin ali i krin pi, sak téi admir ali i admir pi. La fontaine la pa é in fab dsi lo lion kan la vni vyé, mèm bourik i fout ali in kou d‘sabo an pasan koté li. Lo réspé lé né avan nou, mé in bonpé la fine obliyé.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète, tazantan dakor rantre nou.


Kanalreunion.com