Oté

« Dann oui la poin batay »

In kozman pou la rout

Justin / 11 mé 2016

Demoun i èm pa la kontradiksyon. Si ou i di lo kontrèr, donk si ou i port lo kontradiktoir, la pèrsone lé bon pou pète aou in kalote dan la gèl. Mèm in sinp nyans lé dézagréab pou désèrtin. Poitan i di lo déba-donk lo sobatkoz !- i anrishi la konvèrsasyon. Li la poin vréman lo tan pou anrishi pars dézord pou pété la pa loin. Sirtou si lo bann moun la fine pran inn-dé lèv-tèt. L’èr-la dézord dann park kaari ariv pli vit ankor. Mé si ou i di « oui » san okin romark, bin la lé bon : la sosyété i tonm dakor tout suit, kisoi koté la boutik, kisoi dann ron kart, kisoi ankor dann in rényonn famiy. Solman, parl pa la politik, parl pa la rolijyon, évit krétik inn é l’ot. Dann oui na poin bataye, mèm si sé in domi-oui, sansa in domi_kar d’domi oui. Ni artrouv !


Kanalreunion.com