Oté

« Dann oui, la poin batay ! »-Kozman pou la rout

Justin / 29 séptanm 2015

Moin té i koné in l’ansien. Zordi li l’a fine pas l’ot koté. Kan ou téi domann ali in n’afèr té rar li di aou in non sèk. Limèm téi di : »Kan mi di non, sé non. Kan mi di oui sa i vé dir pétète, é kan mi réponn pétète, mark in kroi dsi – li té i di plito mark bézé. Donk pou lo provèrb zot i konpran si la réponn aou oui, la pa oui. Sé in oui diplomatik, in manyèr d’réponn k’i angaj pa la pèrsone. Si èl i di aou oui, sé pou pa malkontant aou, pou pa mète aou an kolèr. Lé vré dann oui na poinnn batay mé la pa pou sa ou i gingn satisfaksyon avèk li.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! zot va oir ké, rant-rant, ni opé z’ète, tazantan, dakor rantre nou.


Kanalreunion.com