Oté

« Dann oui na poin batay ! » - in kozman pou la rout !

Justin / 18 févrié 2015

Sa in kozman i poz amoin problèm sa. Pars si dann oui na poin batay, dann non i doi an avoir ! alor, sa i vé dir i fo ou i aksèp tout mèm si sé in n’afèr ou i trouv pa out kont dodan. Di oui, di oui toultan épizapré tout va roul ron !!!.

Poitan moin la touzour aprann dé foi i fo di oui, défoi i fo di non. I di pa lo bon kont i fé lo bon zami ? Si ou i di oui toultan nora pi zamé lo bon kont… Pétète sa i vé dir in n’ot afèr ? Pétète ou i di oui, é apré ou i fé konmsi sé non. Konm dann fonnkèr Zak Prévèrt : li di oui avèk la tète é li di non avèk lo kèr. Apré alé débarbote aou konm ou i gingn.

Dakor pa dakor ? Fé travay zot koko, fé bouy zot matyèr griz zot va oir si rant-rant i ariv pa nou pou ète dakor rantre nou. Fé roulé Férèr !


Kanalreunion.com