Oté

« Dann sak sharbon i tir pa la farine »

In kozman pou la rout

Justin / 22 avril 2016

Dann sak sharbon, i tir sharbon. Dann sak la farine i tir la farine. Mé dann sak sharbon i tir pa la farine é dann sak la farine i tir pa sharbon. Sans prop la pa bézoin kas son tèt pou konprann in n’afèr konmsa ! Mé konm sé in provèrb i fo ni sèye-gète in sans pli zénéral.

Lakèl ? Sanm pou moin lé shoz lé pa si konpliké ké sa : sa i vé dir i fo pa alé rode dann kékshoz in n’afèr na poin. In légzanp ? I trouv pa l’intélizans dann in tèt san sèrvèl. I tir pa d’lo dann rosh. I tir pa d-l’or dan la taye koshon ! L’èr-la i fo fé travaye in pé nout koko.

Pou kosa ? Pars in vérité vré i pé z’ète in kont-vérité tazantan ! I tir pa d-l’o dann rosh mé Moïse la bate in kou d’bois dsi in gro rosh é dolo la sorti... mé la plipar d’tan lé vré kant mèm. Ni artrouv !


Kanalreunion.com