Oté

« Dé grin piman i arlèv in kari ! » - In kozman pou la rout

Justin / 8 zwin 2015

Dabor nana lo sans prop ! Lé vré tout kréol I yèm in pé piman dann zot manjé, kisoi plis, ki soi moin, mé piman i déranj pa nou. An kontrèr !

Mé nan osi lo sans figiré : si in vi i déroul san in pti problèm, san in n’afèr in pé pli gayar tazantan, bin dizon sré konm in pintir san in l’onb, san in limyèr, dizon san gou ni santiman, ébin kosa sa I vo ? In pé I di lo sèl dé la vi. Nou nip é dir lo pima dan la vi. In vi san sèl, ou sinon san piman sé konm k’i diré in anséfalogram plat…

Kosa zot i anpans ? Arien ! Bin alor, fé travay z’ot koko, fé bouy z’ot matyèr griz é zot va oir si rant-rant ni tonm pa tazantan dakor rantre nou.


Kanalreunion.com