Oté

« Dir in mo, pé s’fèr sé pèrd in z’ami »

In kozman pou la rout

Justin / 18 avril 2016

Moin la fine antann souvan in kozman konmsa. Pou moin, sa I vé dir, sinploman I fo gingn control son parol. Pou kosa ? Pars koz la boush rouvèr, osinonsa dir n’inport de koi, sé prann in riskab.

Akoz sa ? Pars san vouloir ou i pé vèks in moun a mor. Antansyon dé-foi ou i pé di in kékshoz banal pou ou, mé pou lé zot sé kékshoz mortèl. Ni koné pa anou bien, ziz pi lé zot mèm si ou i frékant azot toultan. Shak moun nana son parkour, shak moun la bingn dann son prop kiltir familyal.

Pou shakinn, nana dé shoz a dir, é dé shoz a pa dir : fèrm son také i pé z’ète, tazantan la solisyon k’i fo pars konm lé ékri an-o la : si ou i di in mo an tro, ou lé riskab pèrd in z’ami, in kamarad… Dé foi, mèm kan ou i di pa arien sa i ariv galman. Fé travaye z’ot tèt la dsi : mi pans la pa initil.


Kanalreunion.com