Oté

« Domann mon frèr si moin lé volèr ! ». In kozman pou la rout.

Justin / 23 mars 2015

Mi trouv sa in drol zafèr. Pou koué ? Pars sa i vé dir konmsa, dann bann famiy nana la solidarité é si na in gran problèm in pé doulouré, in pé onté, la famiy i anparl pa. Té i di pa : “Linz sak i lav an famiy ! »

Pou dir, sa in problem I règ dann lo sogré é sirtou I mète pa dsi la plas piblik. Lé vré la pa vré ? Dé foi oui, dé foi non pars si ou i pé pans i fo fé konmsa, la pa touzour lo ka. Sansa, konm di lo kont, sé in règ avèk in bonpé léksépsyon. Mé in règ avèk in bonpé léksépsyon sé pi in règ ditou.

Kosa zot i anpans de sa zot ? Mi majine zot lété dann ka konmsa. Alor, fé travay zot koko, fé bouy zot matyèr griz, zot va oir si rant-rant ni tonm pa souvan dé foi dakor rantre nou. Fé roulé férèr !


Kanalreunion.com