Oté

« Donn damzane pou boutèy » - In kozman pou la rout

J.B. / 7 zanvié 2016

Kosa i lé in boutèy ? Sa nout tout i koné. Mé kosa i lé in damzane ? Sé in bonbone an vèr, mé la plipar d’tan li lé garoté dann in kouvèrtir banbou trésé. Kèl i rant plis dodan ? Sirman lo damzane sof si sé in gran-gran boutèy, mé la plipar d’tan boutèy nana in lite, sansa soisann-dis santilit. L’èr-la, si ou i fé l’éshanj in damzane kont in boutèy lo mèm produi, ou la fé in mové l’opérasyon-bann fransé i apèl sa « in marshé de dup ». Sa i ariv kan ou i port pa asé atansyon, konm kan ou i ashté in koshon dann gouni. Sa lé kouran koméla ké nana in bonpé d’bézèr d’zèf-o-la. Kosa zot i anpans ? Arien ditou ? Fé travay z’ot kok ! Fé bouy z’ot matyèr griz ! Zot va oir ké rant-rant, ni pé z’ète, tazantan, dakor rantre nou.


Kanalreunion.com