Oté

« Donn in pyé, i pran in karo ! »-in kozman pou la rout

Justin / 25 mars 2015

Sa sé in kozman I antan bien souvan isi La Rényon dann ka demoun I égzazèr. In légzanp ? Ou i lès in moun kass dé mang in foi, amla ké shak instan l vien kasé. Mèm momandoné li domann pi aou arien, li fé konmsi sé li lo propriyétèr.

Sa lé vré galman kan ou i lès aou fèr : momandoné lo moun i égzazèr. In ka, i fé travay aou an plis épi i ariv a obli pèy bann z’èr siplémantèr. Sa lé vré ! Mé sa I dépann lo dogré légzizans demoun. Par ébzanp na dmoun i tolèr pa arien é zot kozman préféré sé « donn in pyé pran in karo : » alé oir mèm in pyé na dé foi i donn pa, parl pi in karo !

Mi koné in moun dopi trant z’ané i di touzour lo mèm kozman mé kroi pa ou va gingn in n’afèr avèk li ! Sansa li di : « Tro sé tro ! », alé oir ou, pèrsone i abiz pa vi k’li kriy par avans ? Koa zot i pans zot ? Arien, Fé travay z’ot koko, fé bouy zot matyèr griz, zot va oir si rant-rant zot i tonm pa dé foi dakor rantr nou.


Kanalreunion.com