Oté

« Faye-faye i tié gro bèf ! » - in kozman pou kla rout

Justin / 22 zwiyé 2015

I prétan dir in boushé dann la komine sint-sizane demoun téi apèl ali Faye-Faye pars li lété sèk konm in fouète.. mé sa téi anpèsh pa li fé son travay konm k’i fo. Donk sa té i anpèsh pa li tyé bèf, mèm bann gro bèf.

Ala si zot I vé koman la lézann lé né, mé kèl sans figiré ? Zistoman sa i vé dir i fo pa ziz in moun dsi l’aparans. Agard David, lo pti, avèk Golliath, lo jéan : inn é l’ot shanpion dann z’ota armé pou kroizé épi arête la gèr. Kisa la gagné ? David pars li la nyabou lans in gale avèk son flesh dan la tèt lo jéan.

Kosa sa i di azot ? Arien ditou ? Fé travay z’ot koko ! Fé bouye z’ot matyèr griz ! zot va oir, si rant-rant, ni tonm pa tazantan dakor rantre nou.


Kanalreunion.com