Oté

« Fé lo karnèr do ri fré ! » - In kozman pou la rout

Justin / 3 séptanm 2015

Kan i di d’in moun li sé in zen-zan karnèr, sa i vé dir sé in moun élégan, bien kostimé, bien koifé, bien a la mod. Mé si ou i azout « dori fré » déyèr, sa i vé pi dir lo mèm z’afèr, sé konm in gougnardaz.

Pars kisa i manz ankor do ri fré kansréti pou gouté ? Kisa i pran pa lo tan pou shof son ri ? In moun na gro manyèr a tou lé kou, la pa in moun rafiné biensir. I fo dir mèm si dori sé in bon gouté, kan sé dori shofé mé kan li lé fré li lé pa tro gouté ! Mé pou in moun i désid ranpli son bouzaron an vitès, sa la pa in konsidérasyon v’arète ali. Donk karnèr dori fré sé in moun i fé lo karnèr mé li lé pa karnèr ditou…

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant ni pé z’ète tazanntan dakor rantre nou.


Kanalreunion.com