Oté

« Fé pa la bou avan la pli » - In kozman pou la rout

Témoignages.re / 13 avril 2015

Sa lé bien vré ! La plipar d’tan sé kan la pli i tonm ké na la bou par la suit. Dizon, inn sé la konsékans dé l’ot, inn sé lo komans man é l’ot la finsyon. Dabor la pli i tonm, aprésa i fé la bou.

Mé dann in sans pli zénéral, sa i vé dir i fo pa konfonn la koz avèk lo rézilta. Mi sa plant tomat, m’a gingn larzan pou voiyazé. Dakor, mé atann larzan la rantré pou rokomann out biyé pars sansa ou lé riskab trouv a ou avèk in gro krédi... Si bébète i pik out tomat ! si shanpiyon i fé krèv lo pyé ! si in mal fondé i fé vni tomat madégaskar ! Kosa zot i anpans zot ?

Arien ditou ! Mazine in pé, fé travay z’ot koko : Fé bouy z’ot matyèr griz ! Zot va oir si rant-rant ni tonm pa dé foi dakor rantre nou. Fé roulé Férèr !


Kanalreunion.com