Oté

« Fé pa la bou avan la plui ! » - In kozman pou la rout

Justin / 21 out 2015

Lo pli souvan la bou i vien apré la plui : sa lé normal ! Sof si ou lé bouré dann in trou d’bou mé d’ordinèr non ! Mé sa sé in provèrb é kosa li vé dir : li vé dir i fo pa tir lo konsékans in n’afèr la pankor éspasé.

Konm de koi ? Prévoir in dépans alé oir ou la pankor gingn l’arzan. Konbien i fé sa ? I di, in pé i fé shato dann l’Espagn. I di osi i fo pa vann la po l’ours avan ou la tyé ali !.. Antansion, sa i vé pa dir i fo tyé bann l’ours pars zanimo-la lé konm an voi pou disparète mé sa sé in fasonn dir lé shoz...

Kosa zot i anpans ? Arien ditou ! Fé travay z’ot koko ! Fé fonn z’ot matyèr griz ! zot va oir ké rant-rant ni pé z’ète dakor rantre nou.


Kanalreunion.com