Oté

« For an for nana son mèt »

In kozman pou la rout

Justin / 8 septembre 2016

Sa sé in kozman I antan tazantan, mé tazantan i antann osi : piman lé for, mé kalou va kraz ali. Kosa sa I vé dir ozis ? Sanm pou moin, sa I vé dir tout lé rolatif. Ou lé for, oui ! Mé ou lé pa lo pli for di mond. Sa lé bien vré ! Alon oir in l’égzanp dan la bibl : kisa lé pli for rant David épi lo zéan Goliat ? Goliat biensir ! Touléka té sak la bann l’avé shoizi ali konm shanpyon té i pans. Dann tan-la i paré té i gingn fé arèt in guèr konmsa : lé dé kan, té i shoizi in shanpyon té i fé sobate inn avèk l’ot épi sak la gagné sé son kan ké la gagné. Sak la pèrdi sé son kan ké la pèrdi. Donk Goliath la kroiz avèk David é David la larg ali Alor mé z’ami, avan défyé in moun kalkil bien z’ot afèr, plito ké pèrd z’ot l’onèr dann in konba. Alé ! Ni artrouv pli dvan !


Kanalreunion.com