Oté

« Foutan i angrès pa koshon »-in kozman pou la rout

Justin / 4 mars 2015

Mi pans pétète zot va trouv sa in drol zafèr. Poitan si kékshoz i vé atir out l’atansion i fo li sé in drol zafèr, sansa i fé pa in kont ansanm, sansa i anvoy dingé in poin sé tou. Drol z’afèr ? Kèl rapor nana rant in”foutan” é in”l’angrèsmann koshon”, arien ditou ! Mé a bien kalkilé na in bonz’afèr, é in mové z’afèr.

Kosa I kont plis pou in moun ? Sé angrès son koshon, fé prospèr son komèrs, é mèm si d’moun I gaskone ali, donk I larg foutran I fo kontinyé. In légzanp : in bann marmay I annui in n’ot pars li lé toultan dann liv. Kosa I fo li fé ? Zète lo bann liv ou sinonsa kakil domin é aprann bien konm k’I fo ? Lé fasil pou dir sak i fo shoizi.

Si in moun i tir signal d’alarm pou dir « antansion lo réshofman klimatik » ou i pé gaskone ali, mé kan la vérité i manifès, kisa i lé lo kouyon la-dan ? Mi anparl kan Paul Vergès la anparl lo réshofman klimatik. Bann zozo la pans li té fou. Final de kont, kisa lété fou, é kisa lété saz ? Fé roulé férèr !


Kanalreunion.com