Oté

« Gato I suiv son moul »

Kozman pou la rout

Justin / 20 zwin 2016

Kan mi lir provèrb-la, mi trouv li lé sinp pou konprann. A tou lékou in moul ron i donn in gato ron, in moul an dantèl i donn in gato an dantèl. Ni pé arète la, mé moin lé a d’mndé si lo moul, i parl la-dan, la pal o modèl. L’èr-la mi di amoin nout tout isi dsi la tèr ni suiv in modèl, kisoi in bon modèl, kisoi in mové modèl - l’inn é l’ot lé posib. Konbienn moun la désid fé in métyé pars zot té i koné kin moun i fé métyé-la épi zot té i admir a li. Moin la mèm antann inn foi té i anploiye kozman-la pou dir in marmaye lé konm son paran é la suiv z’ot modèl. Mi koné pa kosa zot i pans, mé moins é konmsa ké mi oi sa. Alé ! Ni artrouv pli dvan.


Kanalreunion.com