Oté

« Gingn son soso »

In kozman pou la rout

Justin / 29 zanvié 2016

Moin lé sir zot i koné kosa i lé soso ! Kisoi soso d’ ri, kisoi soso mayi. Romark si ni kontinyé talèr va anparl in soup de ri, sansa in soup mayi pars bann gran konésèr sar fine pass par-la pou donn lé shoz, konm i di son vré nom fransè. An atandan, alon anparl nout kozman pou la rout. Kosa sa i vé dir ozis ? Sa i vé dir gingn son vi sinploman. Dann lo méyèr sans pars dann lo pli mové sé gingn sak ou i mérit : kisoi in pinisyon, kisoi in koréksyon, kisoi d’ot soz ankor pa tro intérésan.

Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni pé z’ète, tazantan, dakor rantre nou.


Kanalreunion.com