Oté

“Goni vid i tienbo pa d’bout !” – In kozman pou la rout

Justin / 13 zwiyé 2015

In goni, si zot la fine obliyé sé in gran sak an toil de jute. Lontan sa té I ansèrv in bonpé La Rényon. Zordi, sa lé rar konm korn lapin : platik avèk papyé la fine pran son plas.

Sans prop : si li lé vid, li tonm atèr, si na in n’afèr dodan li pé tienbo d’bout. Promyé sans figiré : in moun léstoma vid, na poinn fors. In n’ot sans figiré : si ou la poin lo moiyin ou i antropran pa riyin. Pars ou lé batu avann mèt an gard.

Kosa zot i anpans de sa ? Arien ditou ? Fé travay z’ot koko ! Fé bouy z’ot matyèr griz ! Zot va oir si rant-rant ni tonm pa dé foi dakor rantre nou.


Kanalreunion.com