Oté

« Grin d’bébé dann panyé mayi ! »

In kozman pou la rout

Justin / 23 séptanm 2016

Mi souvien, promyé foi moin la antann épi moin la lir kozman-la, l’été Alain Armand l’avé ékri sa, dann tan Alain té in poèt prométèr é in ga té i ézit pa afront l’albosantri é lo frankosantri lo télé d’éta, dann nout péi - tousèl li téi koz kréol é in grap moush a mèrd té apré ronf dann la lang fransé otour d’li. Lo poète téi di konmsa, li té i san ali étranj dann in sosyété lé pa fé pou li, konm pou tout sak i rès dann bor kanal nout sosyété - in grinn bébé, dann panyé mayi. Si tèlman so kozman la aral amoin, moin la mète ali dann koin mon koko é li sé pou moin konm i di, in griy pou l’analyz nout sosyété é mi pé dir azot, shak jour ké bondyé i done, l’aktyalité i amenn amoin a tourn-rotourn kozman-la dan mon tète. Si tèlman i mank pa demoun bordé dann nout sosyété, apré 70 z’ané la loi départman fransé, 70 z’ané pou instal shé nou in kalité kolonyalis nouvo, lo néo-kolonyalis. Alé ! Mi éstop tèr-la, é ni artrouv pli d’van « sipétadyé ».

NB Alain Armand l’otèr lo « Dictionnaire Kréol rényoné-Fransé » épi profésèr d’ kréol rényoné dann l’inivèrsitéLa Rényon é in pé plis ké sa.


Kanalreunion.com