Oté

« Gro-kèr la pa bon-kèr ! » - In kozman pou la rout

Justin / 19 novanm 2015

Kosa i lé in moun gro-kèr ? Si I rod dann diksyonèr Alain Armand, i trouv sa in moun zalou, rankinyé sansa rankinyèz. Dizon in moun I pans li lé pli méritan ké ou, é li lé zalou si ou la gingn kékshoz é pa li, mèm si sé par out kouraz ké ou la gagné. Gro-kèr sé in vilin défo alé oir bon-kèr sé in zoli kalité. Donk la pa bézoin diskité pou dir inn-é-l’ot la pa parèy. I pé mèm dir : « inn sé lo kontrèr par raport a l’ot ». Si sé sa, pou kosa provèrb la lé éné é pou kosa ni gardien ali dann nout lang ziska zordi ? Arienk pou farsé pars zot i koné kréol i èm farsé ? Osinonsa pou évit demoun kroir z’ot défo-lo gro kèr – sé in kalité pars na demoun i èm z’ot défo é zot i pans zot na rézon kan zot lé konmsa… Kosa zot i anpans zot ? Arien ditou ? Fé travay z’ot koko ! Fé bouy z’ot matyèr griz ! zot va oir, ké rant-rant, ni pé z’ète, tazantan, dakor rantre nou.


Kanalreunion.com