Oté

« Gro poisson i bèk dsi l’tar ! » - In kozman pou la rout

Justin / 13 novanm 2015

Na dmoun lé san pasyans. Avan komans in n’afèr zot I kont la fini. In bonpé d’moun I kalkil konmsa koméla. Poitan sa lé dann la natir déshoz lé shoz : si ou I vé prépar in bon n’afèr I fo ou i pran lo tan. Avan mir in frui i mète son tan. In kari i kui avèk son tan : la pa la pène manz ali kri. La vitès mèm nana son tan : avan roul vite, in loto i doi pran son l’élan. Avan ou i sava la pèsh agard si ou na la pasyans, pars lé posib avant trap in poisson valab i fo ou i atann lontan lo zin tranpé dann lo.

Lé vré, lé pa vré ? Kosa zot i anpans ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni pé z’ète, tazantan, dakor rantre nou.


Kanalreunion.com